Kayuk jutantasinx Chukiagu markarux puriniwayjapxiwa

Walja urunakaw Universidad Pública de El Alto jach’a yatiqañ utankiri yatichirinaka, yatiqirinaka ukhamaraki irnaqirinakax unxtasiwayapxi. Jupanakax 70 millones Bolivianos qullqi marka irpirinakax churañ amtawayapki ukampix janiw iyawapkti sapxiwa, kunatix ukha qullqix janiw nanakarux jikt’apkitaniti sasinaw qhananchapxi.

Ukhamakipanx wasurux yaqhipa manq’at mutuñan jikxatasirinakax luch’intäsiwayapxiwa ukatx yaqhipanakasti  ch’akatasiwayapxarakiwa. Ukhamarakiw Chukiagu markanx wila apsusisinx  mä jach’a laphiru mayiwinakapa qillqsuwayapxi. Uka wilamp qillqat laphx marka irpiriruw puriyatani sawayapxiwa. Ukampis mä chikatanix  qhipharir urunakt qalltanisinx kayukiw Patakamaya markatpach jutantawayapxi. Jupanakax jichhuruw Chukiagu markaru purjaniwayapxi. Ukañkamax marka irpirinakax  aruskipt’añatakix punkunakax jist’aratakiskiwa sawayapxiwa.