Kamachi tuqix San Francisco ukarux Patrimonio Cultural Material ukham utt’ayañ amtapxi

Iglesia San Francisco  ukax jichhurunakax Chukiagu markanaw jikxatasi. Ukampis Historia tuqix Inca pachanakana  yäqata  chiqankchIspay ukham  qhanstayapxi.  Iglesia San Francisco uta irnaqawix mä waranqa paqallqu pataka  kimsaqallq tunka pusini (1784) maranxay jiksutachispa ukham qhanstayapxi.

Jichhax wasuruw Cámara de Senado tuqin Senadoras ukhamaraki Senadores irpirinakax tantachawipanx  mä kamachi utt’ayawayapxi,  uka tuqix  Patrimonio Cultural Material Inmueble  ukhama Basílica Menor de San Francisco ukaru utt’ayasina.  Ukatx uka pachpa kamachinx  qhanancharakiwa Órgano Ejecutivo tuqin irpirinakax Ministerio de Cultura y Turismo taypix mä amtar puripxañapa Gobernación  Departamental  La Paz ukhamaraki Gobierno Autónomo  Municipal  La Paz tuqinkirinakampi, ukhamat kunayman amtawinak wakt’ayapxañapataki ukhaman Basílica Menor de San Francisco ukarux yäqawinaka utjañapataki, askin uñjatañapataki ukakipkaraki wali uñt’ataxañapataki.