Ch’uqix ch’uñur tukuyatawa

Khaya pachanakatpachaw aka markasanx  yapumpi uywampi irnaqasin qamasitaxa. Ukhamakipanx uka suni uraqinakanx  ch’uqi yapunaka aphapt’asinx  uka ch’uqisitunakax kunaymana   tuqinakaruw jaltayata, jathataki, ch’uñutaki, juk’ampinakataki.  Ukatx chiqas   juyphi pachanakajipanx uka ch’uqinakax warsutaxiw juyphiru ukhaman luxuntatañapataki. Ch’uqinakax may mayaru jaljtayatawa ukhaman suman ch’uñuñapataki, ukatsti jasakiw kunapachatix  juyphix  ch’amamp purki ukhax luxuntasina Ch’uñuwayxi.

Ukharusti ch’uñux takst’ataxiwa. Ukampis ch’uñux suma q’alitañapatakix  sillpst’atawa uqharusti wañsuyatarakiwa, Qhipharux   qaqurasin khuyst’atawa. Niyak ukanak irnaqasinx  ch’uñukiw apthapitajixa. Ukampis aka maranx  ch’uñux janikiw añcha luratakiti sasinaw markachirinakax wali llakita arst’asipxi, kunatix juyphix janikiw jaya pacha juyphiwaykiti  ukampis khunus khunsuwasinx  jan jank’a apthapit ch’uñurux  q’alarakiw  aynacht’awayxi sasaw qhananchawayapxi.