Municipio Calacoto tuqinx thuqt’awinakasampiw machaq mara Aymara amt’añ wakichapxi

Machaq mara aymara Andino Amazónico sasaw sapa maranjama amt’ataxa, ukasti Calendario Gregoriano ukhamarjamax sapa pä tunka mayani urunakakipana mara t’aqa  (junio) phaxsinaw amtata. Jichha pä waranqa  tunka kimsaqallquni maranx phisqha waranqa phisqha pataka pä tunka tunka suxtani (5526) maranaka amt’apxani. Ukampis Ministerio de Cultura y Turismo tuqinkirinakax yatiyapxiwa, aka Bolivia markasanx  pusi pataka chiqanakan amt’añataki wakichata utjatapa.

Departamento de La Paz suyu Pacajes tuqinaw Municipio Calacoto jikxatasi. Uka tuqinx  nayra achachila awichanakasana thuqt’awinakapa uñacht’ayasina, machaq mara Aymara Andino Amazónico 5526 marnaka katuqañataki, qharurut  qalltasin jurpurkama amtawinak phuqt’añatakiw wakichapxi. Ukatsti wilanchanakampi, luqtanakampi, waxt’anakampi kunaw willkan ch’amapa katuqañatakix wakt’ayasipxi.