Jichhur tunka mayan qhantat pachatakiw aruskipawir U.P.E.A. uksankirinakar jawillapxi

Khitinakatix marka irpirinaka ukhamaraki Universidad Pública de El Alto jach’a yatiqañ utankirinakampix, Mesa Técnica ukan irnaqañ amtawayapxäna, ukhaman uka jach’a yatiqañ utan mayiwip uñakipañataki. Ukhamaruw wasurux  irnaqapxana ukhamakipanx  uka aruskipawix mä akatjamataw p’akintasiwayi. Ukampis Universidad Pública de El Alto jach’a yatiqañ  utankirinakax  uka aruskipawit  mistawayxañ amtawayapxi.

Ukhamakipanx marka irpirinakatx Ministro de Economía y Finanzas Públicas sarakiwa,  chiqasa  Universidad Pública de El Alto tuqin  irpirinakax  Ley 195 kamachi mayjt’ayañataki aruskipañ munapxäna  janiw  yaqhanakatx aruskipàñ munapkanti. Maysatx  Universidad Pública de El Alto  uka jach’a yatiqañ utankirinakax  sawayapxiwa, Gobierno uksankirinakatx janiw mä Propuesta ukax uñacht’ayat utjawaykiti, ukhamakipanx  janiw ukankañjamakanti, kunatix pachakiw ina ch’usaru sarayañjamana, ukhamax unxtasiwinakax sarantaskakiniw sawayapxiwa.

Jichhax ninkharakiw Sullka irpiri aka markasata, Vicepresidente del Estado Plurinacional de Bolivia, Alvaro García Linera  jawillt’awayi U.P.E.A.  jach’a yatiqañ utan irpiriparu,  jichhuru tunka mayani qhantat pachar, aruskipañataki ukhaman mä amtawir purxañataki.