Jichhurux El Alto markanx thakhi jist’antawinakaw utji

Khitinakatix Universidad Pública de El Alto  jach’a yatiqañ utankirinaka ukhamaraki Organizaciones Sociales El Alto markankirinakax  jichhurux suyt’awinakampiw sarantañ qalltawayapxi. Ukampis manq’at mutuñarus mantawayapxiwa uka kipkarakiw kunayman tuqinakan El Alto markanx  thakhinaks sit’antawayapxi. Uka amtawinakampix wali qhantat pachat phuqhawayapxi.

Ukham suyt’awinaka ukhamaraki thakhi sit’antawinakas utjkipanx Universidad Pública de El Alto uksankirinakax mayiwinakar jay sawi utjpan sawayapxiwa. Ukatx kawkir  Organizaciones Sociales uka suyt’awinakar ch’ullqhiñchapkipanx sawayapxiwa, ukham suyt’awinakax  utjiw  uka jach’a yatiqañ utan mayiwinakapar ch’amanchatañapataki.