Chulumani tuqin chhijiw utjawayi

Jan chhijinak utjañapatakix iwjt’apxiwa
Lunes, Mayo 28, 2018 - 15:34

Wasuru willkürurukipana, ukampis pä tunka paqallquni urunaka maykipkipanx aka llamayu (mayo) phaxsitx  mä chhijiw (Accidente de Tránsito) utjawayi. Ukasti khaysa Yungas junt’u uraqikis ukawjana, Sector Huancané Comunidad Poxi tuqiwjan uka chhijix utjawayi. Uka chhijitx pani usuchjatanakat ukhamaraki kimsa jiwatanakat yatisi.

Uka autux qurumrantawaychispaya ukham Chulumani tuqin Policía uksankirinakax yatiyapxi. Uka autunx suxtaniy sarasipkchispana ukham qhanchapxi. Chulumani uka qullayasiñ utan usuchjatanakax jikxatasi sawayapxiwa. Jupa usuchjatanakan sutinakapax aknirinakawa: José Ramos 40  marani ukatsti  Luis Veles Luna 40 marani. Ukatx jiwatanakan sutinakapax akanakawa: Delia Machicado Mamani 31 marani, Ovidio Quispe Quispe 36 maranakani, Edgar Mamani Blanco 28  marani.

Ukham llakis utjawaykipanx  khitinakatix  Policía uksankirinakax  iwjt’apxarakiwa, jan kunas ukham chhijinak utjaskañapatakix  jan autu apnaqirinakax sinti t’ijupxañapa uka thakhin ukham chhijinak utjiritap yatitakipana.