Obrero ukatx Clínicas qullayasiñ utanakan jan chiqapar irnaqapxatapat katuntawayapxi

Fuerza Especial de Lucha Contra el Crimen (FELCC) Chuquiagu markankirinakaw tunka payani markachirinakar katuntawayapxi. Uka markachirinakax  Caja Nacional de Salud  ukan irnaqapxana ukhamarakiw Clínica satakis uka qullayasiñ utans irnaqapxarakinwa. Jupanakax qullqi juk’uchawinakanjay jikxatasipchispa ukham yatiyawayapxi, Jhonny Aguilera Fuerza Especial de Lucha Contra el Crimen (FELCC) Chuquiagu markan irpirix sawarakiwa, uka tunka payan markachirinakatx suxtaniw Obrero qullayasiñ utan irnaqapxana ukatx  suxtanikasti Clínicas qullayasiñ utanrak irnaqapxarakitayna.

Fuerza Especial de Lucha Contra el Crimen (FELCC) tuqin  Irpirinakax qhananchawayapxiwa,  usutanakx Clínica satakis qullayasiñ utat irpatapxchispa Obrero qullayasiñ utan taqi markachirinakankis uka equipos ukanakamp  uka usutanakar uñjañataki.  Uka irnaqawitx  usutanakarux mä payllawxay mayipchispa ukatx ukax jupanakatakikiy qhipharchispa ukham   Fuerza Especial de Lucha Contra el Crimen (FELCC) uksankirinakax yatiyawayapxi.