Jichhurut IX Expo Feria Tri Nacional de Camélidos Sudamericanos qallarawayi

Qallarawayiw jach’a qhathux
Viernes, Mayo 18, 2018 - 10:41

Departamento de La Paz  tuqinwa Suyu (Provincia) Pacajes jikxatasi. Uka taypinx Municipio Charaña ukaw jikxatasiraki. Charaña Municipio ukax pä anqax markanakampiw qurpasi,  ukanakax Chile ukhamaraki Perú markanakapxiwa. Uka qurpasi tuqinx  jilpachax qarwa ukhamaraki  allpachu uywanak uywasipxi.

Ukhamakipanx,  uksankirinakax sapa maranjamaw mä jach’a qhathu  phuqhayapxi, ukhaman qarwa ukhamaraki allpachu uywachawit uñacht’ayañataki. Jichha maranx  llatunkiri  qhathuw phuqt’ayata. Ukasti  khaysa qurpasi Charaña markanaw phuqhasi. Ukanx  pä anqax markanakatx chikañchasipxarakiwa, kunjamatix Chile ukhamaraki Perú markanakatwa ukankapxi.

Uka qhathux jichhuruw qallarawayi, ukampis aka qhathux jutiri willkuru  (domingo) urukamaw chikañchayatani. Ukhamakipanx jichhurux uka qhathux Chile anqax  markat irptatawa,  ukatx  qharurux  Perú  anqax markarakiw irptani, ukatsti willkururux (domingo) Bolivia markaw uka qhathu irptarakini.