Puerto Pérez markanx sarawinakapa, yatiñanakapa uñacht’awayapxi

Khaysa provincia Los Andes  Municipio Puerto Pérez tuqinx wasuru willkururukipana (domingo),  tunka llätunkani urunaka maykipkipana aka qasawi (abril) phaxsita,  nayiri kutipuniw mä qhathu Biocultural sutiñchata  phuqhasiwayi. Uka qhathunx  kunaymana  tuqinakatwa uñacht’awayapxi. Utjawayiwa manq’a phayt’atanaka,  tuturat kunayman luratanaka, sawutanaka, p’itatanaka,  achuyatanaka,  thuqt’awinaka juk’ampinaka uñacht’awayapxi. Uksarux walja markachirinakaw purt’awayapxatayna jupanakas walirakiw  ukhamanaka uñjasinx jach’anchawayapxi.

Ukampis Municipio Puerto Pérez tuqina Alcalde Municipal ukham irptiri Ramiro Alanoca jilatax  sawayarakiwa, aka amtawix jutiri maranakans ukhamarakikiw  wakt’ayatani, ukasti  kunanakatix aka markasanx utji ukanaka  taqinins  uñt’atañapataki.  Ukhamarakikiw uka tuqin qamasirinakax sawayapxi,  aka amtawinakax nanakats ch’amanchatakiskaniwa.