Puerto Pérez tuqinx Biocultural qhathuw utjani

Khaya maranakanx  Puerto Pérez markanx:  Chiri, Tiwanaku, Pakajis, Urus, Pukina,  ukatx Inkas jupanakaw qamasipxana.  Ukakipanx taqi jupanakax  askina Pachamama uraqiru yäqapxana. Ukatwa jichhurunakanx  uka tuqin qamasirinakax  ukham amtawinakx ch’amanchasipkaki, kunaymana qhathunaka, yatxatawinaka, arukipawinaka juk’ampinaka phuqhasina.

Jichhax  uka amtawinakarjamax nayrir kutipuniw  kawkhantix   achuyatanaka,  uywachatanaka,  amparamp luratanaka, k’umara manq’anaka,  thuqt’awinaka,  juk’ampinakatsa mä qhathu tuqi uñacht’ayapxani.  Uka qhathux  jutiri willküruru (domingo)  pä tunka llätunkani urukipana aka qasawi (abril) phaxsin  phuqhasini,  uka qhathurux   Biocultural ukham uñacht’ayapxi.

Ukham wakt’ayatakipanx kullaka Concejala uka Municipio Puerto Pérez  tuqinkiri, Emiliana Hilaya   jawillt’awarakiwa  uka qhathun  chikañchasipxañapataki. Jupa irpiristi  sawarakiwa,  uka qhathux wakichataw  achachila awichanakasana nayra yatiñanakapa amthapisina  aka urunakan phuqhañataki.