Markasanx qullirinakax sarampión juk’amp usunakata jark’aqasipki

Aka urunakanx anqax markanakanx Sarampión satakis usux  walipuniw  markachirinakaru  ñanqhachaski. Jichhakamax Perú markankchispaya ukhamaw yatisiwayi. Ukataw  aka Bolivia markasanx, ukampis ministerio de salud uksankirinakax,  uka sarampión usus yaqha usunakas jark’aqatañapatakix kunaymana vacunas ukanakampiw wawanakaru, ukhamaraki  markachirinakaru chikañchayataski sawayapxiwa. Irpirinakax  sarampión usut markasaru jark’aqañatakix  anqax markanakamp qurpakis markanakan  ch’amamp irnaqapxatapa yatiyapxi.

Aka La Paz markanx  khitinakatix Servicio Departamental de Salud uksankirinakax ukhamarakikiw  aka usut jark’aqañataki irnaqataski sawayapxi. Ukampis  uka k’umara jakaña tuqin irpirinakax niya pusi virus ukanakay Departamento de La Paz tuqin  utjchispa ukham yatiyapxi. Uka usunakax akanakawa:  rabia, paperas, influencia, varicela aka usunakat jark’aqañatakix irnaqataskiwa sawayapxiwa.. Ukhamäkipanx jichhakamax Departamento de La Paz tuqinx   papera sata usumpix kimsaqallq pataka jilaniy usutapxchispa,  varicela  usumpisti paqallqu pataka jilaraki, influencia  sata usumpisti paqallquniraki ukatx rabia sata anu usumpisti pä tunka jilarakiy usuntatapchispa yatiyapxi.

Aksa tuqitx  Director Técnico  ukhama Servicio Departamento La Paz tuqin irnaqiri Doctor Freddy  Valle sawayiwa: “… pacha turkatapata aka usunakax utjaspa,  wakisispaw akanakata amuyasiña..”