Manq’at mutuña, thakhi sit’antawinakas utjaskakiwa

Distrito 7 tuqinkirinakax suyt’awinkasipkakiwa
Jueves, Abril 19, 2018 - 10:30

El Alto markana Distrito 7 ukax jikxatasi. Aka tuqinx walja markachirinakaw qamasipxi. Jupanakax irpirinakap tuqix mayiwinaka utjatapa qhananchapxi. Mayiwinakapax aknirinakawa: planta de  Tacachira, drenaje fluvial utjañapa Avenida Juan  Pablo II  tuqina ukharux  cárcamos de bombeo mayipxaraki.

Jupanakax uka mayiwinaka jikirañkama suyt’awinakampi sarantaña amtawayapxi. Jichhurkamax  pusi urunakaw thakhi sit’antawinakampi ukhamaraki manq’ata mutuñanakampis chikañchasiwayapxi. Uka amtawinakax  Distrito 7 El Alto markanaw phuqhasiski.

Jichhurux mayni irpiri junta vecinal tuqinkiri Carlos Rojas sawarakiwa, jichhurutx payiri  tama manq’ata muturinakaw  mayachasiwayapjaxa, ukasti Sub Alcaldía  Distrito 7 ukankarakikiniwa. Maysa tuqitx pachpa irpirix sawayiwa nanakax juk’ampiw unxtasipjaxa, kunatix janiw jichhakamax EL Alto markana irpirinakampix kuna aruskipawisa utjawaykiti.