Boliviano Holandes qullan utankirinakax qhurumpiw arsusiwayapxarakiki

El Alto markanx jichhurumpix khitinakatix  Boliviano Holandes satakis uka qullañ utan irnaqirinakax  kimsa urunakaw qhurump arsusiwinakamp sartasiwayxapjixa. Jupanakax  El Alto markan irpirnakarux mayiwayapxiw   Items  utjañapa, qullanaka  utjañapa,  markachirinakar qullt'añatakix maquinarias ukanakas askinkañapatak irnaqapxañapaw mayita, sasaw arsuwayapjixa.

Ukhamakipanx  jupanakax sawayapxiw uka qullañ utanx janiw jasakix  usutanakarux qullt'añjaxiti,  ukampis  qullirinakas  pistxaptwa, kunatix  janiw  marpachatak   irnaqapxañapatakix katuqatakiti ukatx  sarjapxiwa ukhamakipanx markachirinakarux janiw kunjams jasakix qullt'añjaxiti sawayapxiwa.