Carmen mamitat amt'asisin phunchhawinx machañanakax juk'aqtawayiw sawayapxiwa

El Alto markanx aka qhipharir urunakanx Carmen mamitat amt'asisinx kunayman thuqt'awinak  chikañchawayapxi. Ukanx  suxta tunka jila thuqhur tamanakaw entrada ukanx mantawayapjixa. Ukatx  utjawayarakin  nayra awichanakasana uka kipkaraki achachilanakasan  thuqt'awikapas kunkañchayata. Irpirinakax  uka thuqt'awinak uñacht'ayasinx markasanx kuna askinakas utji ukanakat juk'amp uñt'ayañatakiw sawayapxiwa.

Ukañkamax khitinakatix Secretaria de Seguridad Ciudadana tuqinkirinakax  uka phunchhawinx  jak'at uñch'ukiwinakampiw chikañchasit utjawayi sawayapxiwa, ukatx  machañanakas aka maranx uka phunchhawinx juk'aqtawayiw sasinaw qhananchawayapjixa.