Mä chhijinx 1 jiwata ukhamaraki 6 usuchjataw utjawayi

Wasuru illapurukipana  (jueves) aruma tuqirux niya tranca Guaqui tuqiru puriñakipana mä jach’a  tráiler sata autux janiw jasaki sayt’aña atxchispanti ukatx kawkiri awtunakatix uka tuqin suyapkana  tranca ukaru payllañatakix q’ala aynacht’ayata jikxatasiwaychi ukhama yatiyawayapxi. Ukataypin phisqha autunakaya aynacht’ayatachispa ukhamwa Transito El Alto markankirinakax qhananchawayapxi.

División Accidentes de Tránsito de El Alto, tuqin irpiri coronel Pablo García qhanancharakiwa jichhakamax janiraw yatiskiti kunatsa uka chhijix utjawaypacha ukampis yatxatasiskiwa sawayiwa..Ukañkamax mayn ijiwatata ukhamaraki suxta usuchjatanakata yatiyawapxi. Jiwatax mayni jiliri jilata pusi tunka maranichispay ukhama uñt’ayapxi. Jichhax usuchjatanakax qullayasiña uta  Cruz Azul ukan qullatasipki.

Ukawjana qamasirinaka,  aljirinakas sawayapxiwa, aka thakhix jisk’akiwa wakisispaw irpirinakax irnaqapxañapa jach’aptayañataki ukhamaraki, inasa wakiskirichispa kunaymana rompe muelles satakis ukanaka uskt’aña k’achjampiki autunakax sarapxañapataki jani kunasa t’ijusipkañapataki ukhamana aka kasta chhijinakat qhisphiñataki.

(Fotografía de archivo-ilustrativa)