5.527 maranak katuqañatakix wakichatawa

Sapa maranjamaw aka markasanx kunayman tuqinakanx  machaq mara Aymarax katuqataxa.Ukakipanx jichhurunakax machaq mara Andino Amazonico ukhams sutiñchapxarakiwa. Ukampis jilpachax  wak'ani chiqanakanaw ukax ukhaman katuqañataki wakichata. Aka maranx ukhamarakikiw  irpirinakax wakt'ayapxi

Aka El Alto markanx  jichhuruw  irpirinakax qhananchawayapxi kunayman tuqinakan wakichatatapa, ukhaman 5.527 maranak  aka jutir pä tunka mayani urunak maykipkipan mara t'aqa (junio) phaxsit katuqañatak wakichasipxatapa. Uka amtawix thakhiñchataw  jiwasan sarawinakasa, amuyunakasa,  phuqhawinakasax  ch'ullqhiñchatañapataki, sasinaw irpirinakax arst'asiwayapxi.