Markachirinakax k’umar jakañ tuqinx yanapatapxañapa thaqhapxi

Khitinakatix  Federación de Juntas Vecinales EL Alto markana Comisión de Salud tuqin irpirinakax  sawayapxiwa aka El Alto markan qamasirinakarux  k’umar jakasiñ tuqinx suman yanapatapxañapaw thaqhata, kunatix aka urunakanx Seguro Único de Salud ukas askin phuqhasiñapaw ch’amanchata sawayapxiwa. Ukhamakipanx akanakat uñakipañatakix  Municipio EL Alto tuqin irpirinakamp tantachasiñaw wakichata sasinaw  arsuwayapxi.

Ukampis walja kullaka jilanakaw EL Alto markanx pisina jakasipxatapatx jani  k’umar jakasiñap tuqix  yäqasipkiti.. Ukampis kunapachatix  ukham inak uñjt’ayasiñax utji wakichata ukhax  jupanakax qullt’ayasjapxiwa, ukataw suman ukanakax phuqhatañapax mayita sasaw qhananchawayapxi.