El Alto markanx Concejo Municipal uksankirinakax machaq Distrito ut’asiñapatakiw uñakipawayapxi
El Alto markanx jichhurunakax utjiw tunka piusini Distritos satakis ukanaka. Ukampis jichhax sapurutjamaw markachirinakax waljanijapxi sasinaw arsuwayapxi, ukhamakipanx janiw jasakix lurawinakas kunayman Zona ukhamaraki Urbanizaciones tuqinakar purinirjamaxiti sawayapxiw aka Distrito 8 uksankirinakaxa, ukataw nanakax machaq Distrito ukax ut’asiñapa mayipta sasinaw qhananchawayapxi. Ukañkamax khitinakatix Federación de Juntas Vecinales EL Alto tuqin irpiripa Juan Carios Machaca sawayiwa, nanakax janiw kunakipans yaqhat ut’asiñapa mä Distrito jay sapkti sarakiwa, kunatix wali uñakipañaw ukanakax sasinaw arsuwayi.
Ukakipanx El Alto markankiri Concejales jupanakax jichhurux tantachasisinx uka tuqinakats yaqhanakats uñakipawayapxiwa. Ukatx amtawayapxiw kunatix kamachinakarjam utjki phuqhañax machaq Distrito ut’ayañatakix ukanakax phuqhatañapa.