Machaq Distrito ut’ayatañap uñakipapxi

Aka urunakanx EL Alto markax  tunka pusini Distrito ukanakaniwa. Ukampis jichhax   markachirinakax mayiwayapxarakinwa yaqha Distrito ukamp ut’asiñapa, ukhaman taqi  EL Alto markan jakasirinakax kunayman  yanapawinakx katuqapxañapataki, sasinaw arsusiwayapxi. Ukhamakipanx akanakax sumañataw uñakipatañapa, qullqis kunjamarus utjani ukanakasa sasinaw El Alto markan irpirinakas arsuwayapxaraki.

Ukakipanx kullaka Concejala EL Alto markata Nancy Mamani sawayiwa: “Nanakax qharuruw ukax askispati jan ukax janicha ukanakxa  Concejo Municipal tantachawin uñakipapjaxa, ukampis qullqisitus  jikt’irjamati janicha taqi ukanakas amuyañawa”, sasinaw arsuwayi.