Artesanos en Cotillones jupanakax China markat mantanir yänakampiw aynacht’atapta sawayapxiwa

Khitinaktix aka Asociación de Artesanos en Cotillones y Ramas Anexas El Alto markankirinakax  wali llakitakiptwa sasinaw arsusiwayapxi, kunatix amparamp lurt’atanakax janikiw kunakipans suman aka urunakax aljataxiti sawayapxiwa, ukasti China anqax markat mantanir yänakax wali  iraqtat chaniru aljatatapata, ukakipanx nanakatx janikiw markachirinakax alasjapxituti sasinaw qhananchawayapxi.

Ukhamakipanx jupanakax sawayapxiwa, mayiptwa marka irpirinakaru qurpanakat kunjamats  uka yänakax aka markasaru jan mantanxañapatak jarkt’apxaspa, kunatix nanakax  wawanakaniptwa ukatx ukampikirakiw jakasipta ukhamakipanx irnaqañax wakisiwa, sawayapxiwa.