“Escuela de Padres” sutin wakichawi thakhiñchañatakiw uñañchawayapxi

Aka markanakasanx walja yatiqañ utanakaw utji ukhaman wawanakax yatintapxañapataki. Ukhamakipanx awki taykanakax   uka amtawi ch’amanchapxañapatakix  irnaqt’apxarakiwa. Jichhax aka urunakax   walja tuqiwjanakan  kunayman  ñanqhachawinakat wilamas tapyin ist’askipanx  thurkatañatakix   kunayman wakichawinakwa  kunkañchayapxaraki.

Ukhankiw uka wakichawix  “Escuela de Padres” sutini, uka amtawix  chiqasa  uka wilamas taypit  ñanqhachawinak  tukjañatakiw sasinaw qhananchapxi, ukasti  kunayman yäqawinak  thuruñchañataki ukhaman suman jakañax utjañapataki. Ukataw jichhurux  EL Alto markanx  uñañchawayapxi ukhaman  awki taykanakax  uka yatiqañ uta tuqin wawanakapas yatintapkipanx jupanakax ukhamarak yatintapxañapataki kunjamas wawanakarux askin uñjataspa suman yäqataspa ukanakat juk’ampinakat yatxatapxañapataki.