Nayrat ust’at kullak jilanakax t’ijtasin atipt’asipxani

Aka urunakanx khitinakatix  inas nayrat usutapchi, ukasti jan uñjapkchiti  jupanakax janiw ukhamakix  qhipharapkiti jan ukasti jupanax kunayman amtawinak phuqhapxi, ukhamarakiw jupanakax  mä wawar tukt’asinx askin  nayrar sartañatakis yanapt’asipxi.  Ukanakax  walja kullak jilanakatax wali jallallatawa.

Ukhamakipanx aka  jutiri willkurürux  (domingo)  paqallqu urunak maykipkipana qasawi (abril) phaxsitx   El Alto markanx   Cosmos 79 satakis ukanx  kayump t’ijtasinwa atipt’asipxani,  ukhaman mayni atipirix utjañapataki, ukatx aka  Bolivia markpachat jach’a amtawi phuqhaskani ukanx  El Alto markat atipiri sayt’añapataki, sasinaw irpirinakapax arsuwayapxi. Jupanakax aka  t’ijtasin atipt’asiwirux taqi kullak jilanakas chikañcht’asipxañani sasinaw jawillt’awayapxi.