Suyu Pacajes tuqinx mä maramp u’tasitapat amtawayapxi

Aka Departamento de La Paz  tuqinaw  suyu Pacajes  ukax jikxatasi. Ukanx sapa pä tunka  llätunkani  urunak maykipkipanx aka  achuqa (marzo) phaxsinax  mä maramp ut’asitapat amtapxi. Ukampis uka jach’a amtawi phuqhañatakix   sapa maranjamaw   kunayman Municipios ukanakaru puripxi ukhaman wakichawi amt’añataki. Jichha maranx jichhurux khaysa Charaña Municipio tuqinaw amtawayapxi  ukanx kunayman thuqt’awinakas utjawarakiwa. Niya patak jila maranak ut’asitapat amtawayapxi.

Ukampis  suyu Pacajes ukax suni uraqiwa  ukanx iwijanaka, qarwa, allpachu , wakanaka,  juk’ampinak uywachapxi. Ukatx ch’uqi,  siwara,  jupha, apilla ulluku ukanakaw achuyataraki. Ukampis uka suyunx kunayman  nuspkañ tuqinakas utjarakiwa. Ukatx  ukhamarakiw kunayman sawt’awinaka ukatx p’itawinakas kullak jilanakat lurt’atarakiwa.