Wakichapxiw laram qutan urupa amtañataki

Sapa maranjamaw  aka markasanx pä tunka kimsani urukipana  aka achuqa (marzo) phaxsinx amtasitax laram qutasa  apt’ata  utjatapa. Ukampis  aka qhipha urunakanx  marka irpirinakasax mayiwayapxanwa Corte Internacional de Justicia uksankirinakaru Chile anqax markax laram qutnama Bolivia markaru mistsuña churañapataki. Uka mayiwix janiw sataw  utjawayi.

Ukhama maykipawaykipanx aka maranx  markasan qamasirinakax thakhiñchatakiskañapawa uka mayiwix sawayapxiwa. Ukhamakipanx El Alto markanx qharuru pä tunka kimsani urukipana aka achuqa (marzo) phaxsinx  mä desfile cívico wakichapxi, ukasti laram qutasan urupa amtañataki, ukax phuqt’asiniw urbanización 23 de marzo ukana distrito 4 taypina sasinaw El Alto markan irpirinakapax  yatiyawayapxi.