Jichhuruw Ministras ukhamaraki Ministros irpirinakar posición katuqayawayapxi

Sapa maranjamaw marka irpirisax  Ministras kullakanakatsa ukhamaraki Ministros jilanakatsa khitinakampis marpacha irnaqani jupanakarux posición katuqayañ yati. Uka amtawix jichha maratakix chhamanthiw Casa Grande del Pueblo sasina uñat’at utakis ukanx phuqhasiwayxi. Jichhax uka tuqinx uñt’asiwayxiw kawkniri  kullanakas jilanakas  kutintawayapxi,  mistawayapxi ukhamaraki machaqatsa mantawayapxi Gabinete Ministerial  tuqin irnaqañataki.

Ukhamakipanx jank’akiw arunakax utjawayi yaqhipanakax k’umiwayapxi yaqhipanakasti  jallallawayapxi. Aka El Alto markanx jilata Concejal  Oscar Huanca  sawarakiwa: “Jupa irpirinakax  chhijllaw amta phuqhañatakjamaw  ut’ayata jikxatasiwayapxi, kunjamatix wasitat Ministro ukhamaxañapatakis Juan Ramón Quintana jupas kut’awayi ukatx Gabriela Montaño jupax Senadora ukhamakasins Ministra ukhamaxi” Maysatsti jilata conejal Movimiento al Socialismo uksankiri Remijio Condori  sarakiwa: “Askiw ukham irpirinakax  utt’ayataxatapa jichhax markatak aski jupanakamp  irnaqañaw wakt’i”.