Mayni autump irnaqiriruw lunthatanakax usuchjawayapxatayna

Markachirinakax sapurunjamaw kunayman irnaqawinakamp  phuqtanxa, ukhaman wilamas taypinx  manq’añas  utjaskañapataki, Ukhamarakiw mayni jilatax  pä tunka kimsani maranix  mä taxi ukham autumpiw irnaqasiñ yatitayna  ukhaman   mä qawqha qullqisitsa   jalaqt’ayasiñataki  ukasti wilamas taypins yanapasiñataki.

Ukakipanx wasurux arum tuqirux jupax Cruce Villa Adela  ukawjan  autupamp sayaskatayna ukhaman inachay maynis apt’ita saspana ukhamat  qulqisitux  utjañapataki  ukhamaruw  pani markachirinakax jupar jak’achasisinx  apita  khaysa Final Cochabamba ukaru sapxatayna jupax iyaw sasinx apataynawa niya chika thakhiwjanx  yaqha tuqir apita sapxarakitaynawa, ukampis jupax janiw sataynawa ukatax juk’ñát uka pä jaqix  mä cablemp  jaychjañ munawayapxatayna. Ukampis jupax janiw ukhamak uñjaskataynati jan ukasti thurisitaynawa ukhamataw  qhisphiyasitayna ukatx  juparux chuymawjat usuchjawayapxatayna (pulmón)  jichhax qullañ utan waliraski. Uka jilatax sarakiwa: “inas autu lunthatawayañ munapchitana, janiw ukx jikxatawayapkiti… sarakiristwa taqinis  yanapt’asipxañani nayarux  ukawjan qamasirinakaw yanapt’awayapxitu ukat jiwañats qhispta”.