Holandés sata qullañ utanx mayiwinak utjatap qhananchapxi

Aka El Alto markanx  Hospital Holandés sata qullañ utaw ut’ataxa. Uka qullayasiñ utanx kunayma  usutanakaw qullt’ayasirix purt’apxi sasinaw qhananchapxi. Ukampis aka El Alto markatsa ukhamaraki suyunakatsa aka Departamento de La Paz ukatx  qullt’ayasirix sarapxapuniw sasinaw  yatiyapxi. Jichhax uka tuqin  irpirinakax  yatiyawayapxiwa janiw kuna mayiwinakatix utjkix uka qullayasiñ utanx  yäqatakiti  Municipio  tuqin irpirinakata sasinaw qhananchapxi. Ukampis mayiwinakax waliwa sawayapxiwa, janiw ascensor ukas  walixiti ukhamat wali usutanakaru jank’aki qullañataki apatañapataki, janirakiw qullanakas utjkiti, janirakiw  equipamiento ukanakas  usutanakar qullt’añatakix utjkiti sawayapxiwa.

Ukhamakipanx jichhuruw  jilata concejal aka El Alto markankiri Juanito Angulo jupax  mä uñakipawi uka qullayasiñ utana chikañchawayi. Ukhamakipanx jupa irpirix sarakiwa “…wali mayiwinakaw utji ukampis jichhax  Municipio El Alto tuqin irpirinakaruw mayitani ukhamana jupanakax  jank’aki kunatix wakiskiriki ukanakampi aka qullañ utaru yanapasin phuqhapxañapataki…”.