Payiri jikthaptawi Caporal thuqt’awi uñacht’ayañatakiw phuqhasini

Bolivia markasanx khaya maranakatpachaw Caporal thuqt’asiñax utji ukhamataw  kunaymana historia qillqatanakan qhanstixa. Ukhamakipanx aka qhipha pachanakanx marka irpirinakax sawayapxiwa  uka thuqt’awinakasax juk’amp ch’amanchatañapatakix kunayman tuqinakanaw  uñacht’ayatañapa ukhamana askina Bolivia markankatapa  taqinis yatipxañapataki.

Uka amtarjamaw aka jutiri tunka kimsani urukipana aka chinuqa (enero) phaxsinx  aka thuqt’awx Chukiagu markana, kawkitix Plaza Murillo ukana ukhamaraki kunaymana markanakana aka Bolivia uraqina uka kipkaraki yaqha anqaxa markanakansa  uka thuqt’awi thuqhutañapa ukhamat uñacht’ayatañapataki ch’amanchañax amtataxa. Ukatwa uka  kunkañchayirinakax qhananchawayapxi   aka EL Alto markatx pataka jilaniw wayna tawaqunakax qillqantasiwayapxi thuqt’añataki ukhamarakiw  Chukiagu markanx  kimsa pataka jilanix quillqantasiwayapxi ukurux uka thuqt’awi uñacht’ayañataki.