Ch’uta thuqt’awinakampiw anat urunak qallarayapxani

Khaya mä waranqa  paqallqu pataka maranakatpachay  khaysa Suyu Pacajes Municipio Caquiviri tuqinx  ch’uta thuqt’asiwix sarantayatachispa ukham yatiyawayapxi,  ukampis  pinkillumpiw uka thuqt’asiwix chikañchayatäna sasinas qhananchawayapxarakiwa. Uka thuqt’awix sapa maranjamax  tunka suxtani  urukipana chinuqa (enero) phaxsit qalltasinx  pä tunka mayani urukamaw  phuqt’ata. Uka  amtawinx  kunayman sarawinakas ch’amanchatarakiwa, uka taypinkiw waywas qulluru mist’aña  ukhamat sumana  marpacha jikstañataki mayt’asiri, ukatsti pirasamp t’ant’amp quqt’asisinx machaq mallkunakas ukhamataki mamat’allanakas tamacht’ataraki.

Ukhamakipanx aka pä waranqa tunka llätunkani marnax kikiparakiw uka pachpa amtawinakax khaysa  Caquiviri markanx phuqhasini sasinaw irpirinakapax qhananchawayapxi. Alcalde municipal Caquiviri tuqinkiri Edmundo Pezas sarakiwa: ”uka urunakatakix taqiniw jawillt’atapta ukhamana qamart’aniñataki. Ukatx seguridad ciudadana ukas utjañapataki ukurunakax uñakipatarakiwa” sasinaw arst’awayi.