Seguro Único utjkipanx yaqhip qullaña utanakanx llakitapxiwa

Kunjamatix aka Qullasuyu (Bolivia) markasanx  irpirinakax ut’ayawayapxi Seguro Único de Salud ukaru taqi markachirinakax qillqantatapxañapa ukhamana  inaki k’umara jakaña tuqita uñjayasipxañapataki, wasurutaw aka markasanx uka qillqantawinakampix chikañchasiña qallarawayapxi. Ukampis jutiri anata (febrero) phaxsikamaw ukanakax quillqantataskani taqi markachirinakaru sasinaw qhananchawayapxi.

Ukañkamax El Alto markanx  ukhamarakikiw wasurut qillqantañ qallantawayapxi,  ukhamakipanx jilata Concejal Juanito Angulo El Alto markankirix sawayiwa: “wasurux niya  kimsa waranqa markachirinakaw EL Alto markanx qillqantasiwayapxi,  ukax askiwa”, sawayiwa. Ukampis  ukhama qillqantawi utjkipanx khitinakatix  qullirinakax  khaysa qullaña uta Villa Dolores ukankirinakax  llakitaptwa sawayapxiwa jani  kunasa sumana uka qullaña utax askichatakipana, kunatix  jallux purintki ukhax umas ch’aqarani, janiw utjkiti qullasa,  janiw kunas uñjatakiti ukanakatxa El Alto markana irpirnakata, sawayapxiwa.