Goni ukhamaraki Sánchez jupanakan arxatirinakapax uka juchanchawix turkañapa suyapxi

Amthapisina, qhiphariri pä waranqa kimsani mararu kut'asinx  amtsnawa kunjamas gas arxatasinx aka markasanx ch'axthaptawinakax utjanxa, ukakipanx walja usuchjatanaka, jiwatanaka ukhamaw qhipharawayi. Ukampis khitinakatix taqi jupanakan wilamasinakapakis  justicia utjañapa mayiwayapxi. Ukhata jichhakamax tunkat jila maranakaw maykipawayxi. Ukatx yatisiwayanpi niya llätunka  wila masinakay juicio civil utjañapataki ch’amanchawayapxch iukhamana khaysa Estados Unidos  Florida anqax markanx Gonzalo Sánchez de Lozada ukhamaraki Carlos Sánchez jupanakax  juicio civil satakis ukampi juchanchatapxañapataki.

Uka amtax ukhamaruw phuqhasiwayi.  Jichhax khitinakatix Tribunal ciudadano ukhama ut’ayata markachirinakax jikxatasiwayapxi khaysa anqax markanx amtawayapxiw uka pani markachirinakax juchaniw sasina ut’ayaña. Ukañkamax khaysa anqax markanx khitinakatix kamachi phuqhayirinakax janiraw qhipha arunaka sawayapkiti, akat mä qawqha urunakanxay amtawinakax qhanstayatachispan jupanakata ukham yatiyapxi.

Ukañkamax khitinakatix  victimas de octubre 2003 uñt’atapkis jupanakax sawayapxiw atipataniwa uka juchanchawixa. Ukatx jupanakana mayni arxatiripax qhanachawarakiwa Gonzalo Sánchez de Lozada ukhamaraki Carlos Sánchez markachirinakax  sapa maynirux mä millón de dólares ch’uxña qullqinakaru mistsutxay kut’aychispa,  ukasti taqinirusti tunka millones uka ch’uxña qullqinaka kut’ayapxchispa. Ukañkamax juchanchawi arkayatanakan arxatirinakapax kuntix uka Tribunal ciudadano siskis ukax turkaniw sasinarakiw kamachi phuqhayirinakana qhipha arunakapa suyapki.