Provincianakanx Campaña de Vacuna Antirrábica ukax phuqhasiskakiniwa

Ministerio de Salud tuqin irpirinakax qhananchawayapxiwa, aka Bolivia markasanx jani anu ukhamaraki phisi uywanakax  Rabia  sutini jan wali usumpi ñanqhachatapxañapatakix  mä Campaña de Vacuna Antirrábica ukampi phuqhaña. Uka amtawix wasuru uka kipkaraki waluruw phuqhata utjawayi. Ukanx anu ukhamaraki phisi uywanakax Vacuna ukx inakiw katuqawayapxi.

Jichhax aka Departamento de La Paz tuqit aruskasinx Servicio Departamental de Salud de  La Paz tuqin irpiripa Doctor Freddy Valle  yatiyawayiwa,  uka pachpa Campaña de Vacunación ukax tunka phisqhani urunakampi pä tunka suyunakana aka Departamento de La Paz ukan phuqhasiñapataki utt’atatapa, kunatix wali jaya chiqanakana  utanakax jikxatasitapata, ukhamat taqi anu ukatx phisi uywanakax aka  Rabia sata usut jark’aqatapxañapataki.