Thakhi sit’antawinakaw utji

Khitinakatix Provincia Aroma  Sica Sica ukhamaraki  Provincia Loayza Luribay uksankirinakax mayipxiw mä pita Asamblea Legislativa Departamental de La Paz tuqinx   Comisión de Planificación uksankirinakax  jay sapxañapa kunatix Gobernación tuqita ukhamaraki Municipios Sica Sica uka kipkaraki Luripay tuqin irpirinakax amtawayapxana qullqi irtañataki, ukasti  Red Departamental  thakhi Cruce Luribay tuqita  Salla ukakama puriri luratañapataki. Uka thakhix wali wakiskiriw kunatix yanapaniw  niya phisqha waranqa markachirinakaru sawayapxiwa.

Ukhama mayiwimpix ist’ayasiñkamaw unxtasiwinakampi sarantatani sasinaw irpirinakap tuqix arsusipxi. Ukataw jichhurux jupanakax  jach’a llusk’a thakhi La Paz markat Oruro markakama purkis uka sit’antapxi. Niya Lawachaka  markaru puriñakis ukawjanwa ukhama thakhi sit’antawinakax utji. Uka mayiwix mä pita ist’atañapawa sawayapxiwa, janitix ukhamakaspax juk’amp ch’amampiw unxtasipjaxa sasinaw qhurump arsusipxi.