Bandera Boliviana ukan urupaw amtasi

Aka markasanx Bandera Boliviana ukarux  wali yäqata Símbolo ukham uñt’apxi. Ukhamar sartayat utjawayiw mä kimsa tunka mayani  urukipana taypisata (octubre)  phaxsita nayraru, ukasti  mä waranqa kimsaqallqu pataka phisqha tunka mayani (1851) marat nayraruw ukhamar phuqhawayapxi. Uka laphaqirix kimsa saminiñapa amtawayapxi, nayraqatax wila, q¡illu ukhamaraki ch’uxña ukhamaruw utt’ayawayapxi.

Ukampis sapa tunka paqallquni urukipana llumpaqa (agosto) phaxsinaw  Bandera Boliviana ukan urupax amt’ata. Ukasti  kimsa tunka  urunaka maykipawaykipàna willka kuti (julio) phaxsita mä waranqa  llätunka pataka pä tunka pusini (1824) marataw ukhamax amtata utjawayi. Ukasti mä Decreto Supremo tuqiw ukhamar utt’asiwayi, nayrir Bandera Boliviana utt’asitapa amtasina. Ukax mä waranqa kimsaqallqu pataka pä tunka phisqhani (1825) marana utt’ayataxa. Jichhurunakas ukhamaruw uñt’ata, ukataw jichhurux kunayman tuqinakana aka markasanx  Desfiles Cívicos satakis ukanakax  phuqhata.