28 maranaka “'Marcha por el Territorio y Dignidad' utjatapa amt’awayapxi

Bolivia markasanx jiliri marka irpirisa Evo Morales Ayma jupax jichhurux  cuenta de Twitter tuqix amthapiwayarakiw kunjamas  pä tunka kimsaqallquni maranakax maykipawayxi, kunapachatix Indígenas jupanakax  jach’a unxtasiwimpi phuqhawayapxana, ukhaman yäqawinakapax  jan takichatañapa mayisina.

Uka unxtasiwix  mä waranqa  llätunka pataka llatunk tunka (1990) marana utjawayana. Jupanakax kayukiw  jutantawayapxana khaysa Trinidad  markatpacha aka Chukiagu markaru puriniñataki.  Jupanakax yäqawinakapax  phuqhatañapa mayipxana. Uka unxtasiwix  llumpaqa (agosto) ukhamaraki sata qallta (septiembre) phaxsin phuqhasiwayana. Uka unxtasiwimpix  jikxatawayapxiwa  uka pachan Bolivia marka irpirix Jaime Paz Zamora jupax mä Decreto Supremo tuqix Territorios Indígenas yäqatapxañapa.  Uka amtax sirionó, moxeños, chimanes, yuracarés  ukhamaraki movimas jupanakaruw yanapt’awayi.