Anu uywanakan urupaw amtasi
Yatitaxiw sapa tunka suxtani urunaka maykipkipana llumpaqa (agosto) phaxsinx San Roque Santun urupa amt’asitapa, kawkiritix anu uywanakan santupa ukham uñt’atawa. Ukhamakipanx anu uywanakan urupaw sapa tunka suxtani urukipana aka phaxsinx sasinaw amtapjixa. Ukampis San Roque jupax kawkiri anu uywanakatix wali t’aqhisitapxi jupanakar yanapiriw sapxiwa.
Ukhamakipanx Ministerio de Salud uksankirinakax qhananchawayapxiwa aka jutiri 18 ukhamaraki 19 urunaka maykipkipana aka phaxsinx tunka llätunkani waranqa paqallqu pataka pä tunka phisqhani (19.725) Brigadas ukanaka aka markpachana ut’ayatañapa yatiyapxi, ukhaman Campaña de Vacunación Antirrábica ukampi irnaqapxañapataki, ukax anu uywanakaru uka Vacuna puriyasina. Ukhamakipanx Ministerio de Salud uksankirinakax taqi markachirinakaruw anu uywanaka apapxañapataki jawillt’apxi.