Día Internacional de los Pueblos Indígenas Originarias ukaw amt’asi

Sapa llätunka urunaka maykipkipana aka llumpaqa (agosto) phaxsinaw aka uraqpachanx Pueblo Indígenas Originarias  tuqinkirinakan urupax amt’ata. Ukampis Organización de Naciones Unidas uksankrinakax qhananchapxiwa, aka uraqpachanx llätunk tunka markanakanx  phisqha waranqa tamanaka utjatapa. Ukanakax juk’ampachas América Latina, África ukhamaraki Asia uka markanakana utjatapa qhananchapxi. Ukampis niya kimsa pataka  paqallu tunka millones markachirinakay utjapchispa ukham yatiyapxi, ukax sañ muniw aka uraqpachan sapa patak jaqinakatx mä phisqhay Pueblos Indígenas Originarios ukhamapchispa,  Ukatx paqallq waranqa arunakay utjchi aka uraqpachana ukham yatiyapxi.

Ukampis aka América Latina ukanx pusi pataka Pueblos Indígenas Originarios tamanak utjatapa yatiyapxi. Ukatsti aka Bolivia uraqisanx  kimsa tunka suxtani tamanaka utjatapa yatiyapxaraki,  ukasti pachpa sarawini, aruni ukhamapxiwa. Ukampis aka markasanx jupanakan yäqawinakapax machaqa Tayka Kamachi Constitución Política del Estado ukan yäqatatapa jach’anchapxi.