Provincia Muñecas tuqin thuqt’awinakaw uñacht’ayatani

Provincia Muñecas Departamento de La Paz tuqin jikxatasi. Aka suyunx aymara aruta ukhamaraki  qhichwa arutsa arst’asipxarakiwa. Uka uraqinx  muxsa, ch’uxña ukhamaraki kunayman juyranakas achurakiwa, ukatsti uywanaks uywasipxarakiwa. Ukampis jupanakax kunayman thuqt’awinakx aymar sarawirjamax pachapar pachaparurakiw thuqt’asipxi.

Khaysa Provincia Muñecas ukanx jutiri tunka urukipana  llumpaqa (agosto)  phaxsinx Municipio Ayata  Comunidad Mollo Grande ukanx uka suyun thuqt’awinakaw uñacht’ayatani. Thuqt’asipxaniw Cambraya, Qina qina, lakita, Jach’a qina qina juk’amp thuqt’awinakaw ukanx uñacht’ayatani. Aka thuqt’awinakanx jupanakan lurt'at isisiwinakampiw thuqt'asipxani. Uka thuqt’awinak uñacht’awin chikañcht’asiñatakix Municipio Ayata tuqin  qillqantawinakax katuqataski. Ukampis kullaka Asambleísta Departamental Muñecas suyuta Ana Alicia Layme sarakiwa: “Ukhamax wakt’ayataw uka provincia tuqin utjiri thuqt’awinakax jach’anchatañapataki ukhamaraki uñacht’ayatañapataki ukataw aka tunka urukipana llumpaqa (agosto) phaxsitakix taqinirus jawillt’ataski”.