Qarwa ukhamaraki allpachu uywanakaw aynacht’ata

Aka qhipha pachanakanx  uka suni uraqinakanx khunuw khunsuwayi ukharux juyphix juyphintawarakiwa. Qarqa allpachu uywanakaruw aynacht'awayi. Ukampis aka pachakamax yatisiwayiw  Potosí, Oruro ukhamaraki La Paz markanakanx  walja qarwa ukhamaraki allpachu uywanakax aynacht’atapxatapa, ukasti  jani manq’anaka utjatapata ukhamaraki  kunaymana usuta jikxatasisinx yaqhip uywanakax jiwañar puripxatapata.

Jichhax aka Departamento de La Paz tuqitx qhananchawayapxiw  suyu Pacajes, Ingavi ukhamaraki José Manuel Pando tuqinakan  ukhama jan walt’awinaka utajatapa. Ukakipanx  yanapanakax  irpirinakarux mayitaw sasinaw uka tuqinakan qamasirinakax qhanchapxi. Mayipxiw uywa manq’anakampi uka kipkaraki uywa qullanakampi yanapapxañapa. Ukharux sawayapxarakiwa,  k’achañataw suma  qhana yatisiskani qawqha uywanakapunis  aynacht’asin jiwañarus puriwayapxi, kunatix  k’achañataw uka uywanakax wal usuntasin jiwaraskaspa.