Bolivia markasanx Periodistas jupanakan urupaw amtasi

Dictadura satakis uka maranakanx  mä tunka urunakipana  llamayu (mayo) phaxsinaw  mä waranqa kimsaqallqu pataka  suxtatunka phisqhani  maranakanx (1.865), mayni Periodista Cirilo Barragán yatiyirix, mä qillqata qhanstayatapata, jiwayata uñjasiwayana. Mariano Melgarejo jupay  uka yatiyirirux uka  pachanakanx  jiwayaña amtawi ch’amanchawaychispana ukhamwa qillqatanakanx qhanstaraki. Ukhamataw  mä waranqa  llatunka pataka  kimsa tunka kimsaqallquni (1938) maranx mä Decreto Supremo tuqix  German Buch jupax marka irpirikipana uka maranx  uka yatiyirin jiwawipat amtasinx   sapa tunka urukipana  llamayu (mayo) phaxsin Bolivia markasanx yatiyirinakan urupa amtasiñapatakix utt’ayawayi.

Ukhamataw aka Bolivia markasanx yatiyirinaka “Periodistas” jupanakan urupax amtasi. Ukampis jupanakan irnaqawipax  yatiyawinaka apthapisina markaru  yatiyañawa, ukasti  kunaymana Medios Masivos de Comunicación satakis uka tuqiw qhanstayataxa. Markachirinakatakix Periodistas jupanakax markachirinakan  nayrapa ukhamaraki jinchup lantiw utt’ayata. Ukhamakipanx yatiyirinakax sawayapxiwa, aka urunakanx  llakisiñakiw nanakataki utji, kunatix  Tecnología  ukanakampix nanakatakix irnaqawinakax janiw utxiti.